ఓటీటీ వేదిక : జియో హాట్స్టార్
ఓటీటీ స్ట్రీమింగ్ తేదీ : జూన్ 18, 2026
123తెలుగు.కామ్ రేటింగ్ : 3/5
నటీనటులు : ప్రియదర్శి,అభినవ్ గోమఠం,కృష్ణ చైతన్య,సీరత్ కపూర్,వెన్నెల కిషోర్
దర్శకులు : శ్రీరామ్ ఎరగం
నిర్మాతలు : శివ మేక, సాహితీ చింతలపూడి
సంగీతం : ఎన్. వెంకట స్వామి
ఛాయాగ్రహణం : ఎస్.వి. విశ్వేశ్వర్
కూర్పు : అజయ్ అరసడ
సంబంధిత లింక్స్ : ట్రైలర్
ప్రముఖ వెబ్ సిరీస్ ‘సేవ్ ది టైగర్స్’ సరికొత్త సీజన్తో మళ్లీ ప్రేక్షకుల ముందుకు వచ్చేసింది. ఈ సిరీస్ సీజన్ 3 ప్రస్తుతం జియో హాట్స్టార్ ఓటీటీ ప్లాట్ఫామ్లో స్ట్రీమింగ్ అవుతోంది. ఇందులో ప్రియదర్శి – జోర్దార్ సుజాత, అభినవ్ గోమఠం – పావని గంగిరెడ్డి మరియు కృష్ణ చైతన్య – దేవియాని శర్మ జోడీలు మరోసారి తమదైన గందరగోళం, ఎమోషన్స్ మరియు హిలేరియస్ కామెడీతో అలరించడానికి సిద్ధమయ్యారు. మరి ఈ లేటెస్ట్ సీజన్ కూడా గత సీజన్ల తరహాలో మెప్పించిందో లేదో ఈ రివ్యూలో చూద్దాం.
కథ :
నటి హంసలేఖ(సీరత్ కపూర్) గొడవ తర్వాత గంట రవి(ప్రియదర్శి) కొత్త కమ్యూనిటీకి మారగా, రాహుల్(అభినవ్) తనకు నచ్చని జాబ్తో, విక్రమ్ (చైతన్య) విడాకుల బాధతో సతమతమవుతుంటారు. జీవితాలపై విసుగు చెందిన ఈ ముగ్గురు ఇంద్ర దేవుడుని(వెన్నెల కిషోర్) నిలదీస్తారు. వారిని సరిదిద్దేందుకు చిత్రగుప్తుడు(గుండు సుదర్శన్) ఒక లైఫ్ ఛేంజింగ్ డీల్తో భూలోకానికి వస్తాడు. మరి ఆ డీల్ ఏంటి..? దానివల్ల వారి జీవితాల్లో ఎలాంటి పరిణామాలు చోటు చేసుకున్నాయి..? అనేదే ఈ సిరీస్ కథ.
ప్లస్ పాయింట్స్ :
కొత్త దర్శకుడు శ్రీరామ్ ఎరగం వచ్చినప్పటికీ ‘సేవ్ ది టైగర్స్ 3’లో ఆ మార్పు ఎక్కడా కనిపించదు. మొదటి రెండు సీజన్లను పాపులర్ చేసిన అదే వినోదాన్ని ఈ సీజన్ కూడా కొనసాగించింది. ప్రేక్షకులకు ఆహ్లాదకరమైన వినోదాన్ని పంచాలనే తన ప్రధాన లక్ష్యాన్ని ఈ సిరీస్ ఎక్కడా మర్చిపోకపోవడమే దీనికి అతిపెద్ద బలం. ఇందులో జోడించిన ఫాంటసీ యాంగిల్ కథకు సరికొత్త ఫ్రెష్నెస్ను తీసుకురావడమే కాకుండా ఎన్నో ఎంటర్టైనింగ్ మూమెంట్స్కు దారితీసింది.
ప్రియదర్శి, అభినవ్ గోమఠం ఎప్పటిలాగే తమ నటనతో ఆకట్టుకోగా, ఈసారి అందరినీ ఆశ్చర్యపరిచింది మాత్రం కృష్ణ చైతన్య. వ్యక్తిగత సమస్యలతో విసిగిపోయిన వ్యక్తిగా ఆయన క్యారక్టరైజేషన్, ఎక్స్ప్రెషన్స్, డైలాగ్ డెలివరీ అద్భుతంగా కుదిరి, ఆయన్ని ఈ షోలోనే బెస్ట్ పర్ఫార్మర్గా నిలబెట్టాయి.
ఇక జోర్దార్ సుజాత, పావని గంగిరెడ్డి, దేవియాని శర్మ తమ పాత్రల్లో చక్కగా నటించి కథకు ప్లస్ అయ్యారు. ముఖ్యంగా ఈసారి దేవియాని శర్మకు భిన్నమైన పాత్ర లభించగా, భర్త పట్ల భయపడే అమాయకపు భార్యగా ఆమె నటన కొన్నిచోట్ల మంచి నవ్వులను పూయించింది.
అలాగే రోహిణి మరోసారి ఈ సిరీస్కు మేజర్ అసెట్గా నిలిచింది. ఆమె కామెడీ టైమింగ్ పర్ఫెక్ట్గా వర్కవుట్ అవ్వడమే కాకుండా, ముఖ్యంగా క్లైమాక్స్ సీన్స్లో ఆమె నటన హైలైట్గా నిలిచింది. చిత్రగుప్తుడిగా గుండు సుదర్శన్ తన పాత్రకు న్యాయం చేయగా, కథలో కామెడీతో పాటు సాగే ఎమోషనల్ సీన్స్ కూడా చాలా వరకు బాగా పండటంతో ఈ సిరీస్ కేవలం ఒకే ధోరణిలో సాగిపోకుండా ఆకట్టుకుంటుంది.
మైనస్ పాయింట్స్ :
ఈ సీజన్ బోలెడన్ని నవ్వులను పండించడంలో విజయం సాధించినప్పటికీ, ఇందులో మితిమీరిన బూతు పదాల వాడకం మరియు వివాహేతర సంబంధాల గురించిన ప్రస్తావనలు పదే పదే రావడం కుటుంబ ప్రేక్షకులకు అంతగా నచ్చకపోవచ్చు. ఈ ఫ్రాంచైజీకి ఫ్యామిలీస్లో మంచి ఫాలోయింగ్ ఉన్న దృష్ట్యా, ఈ అంశాలను కాస్త తగ్గించి ఉంటే బాగుండేది.
అలాగే సినిమా మధ్యభాగంలో కాస్త సాగతీత కనిపిస్తుంది. ఒకటి రెండు ఎపిసోడ్లు బాగా ల్యాగ్ అయినట్లు అనిపిస్తాయి. కొన్ని సన్నివేశాలను అవసరానికి మించి లెంగ్తీగా లాగారు. స్క్రీన్ప్లే ఇంకాస్త క్రిస్పీగా, టైట్గా ఉండి ఉంటే బాగుండేది.
ఇక వెన్నెల కిషోర్కు మంచి ఇంట్రెస్టింగ్ రోల్ లభించినప్పటికీ, ఆయన నటనను పూర్తిగా వాడుకోలేకపోయారు. ఒక పర్ఫార్మర్గా ఆయనకున్న బలాన్ని బట్టి, ఆయన పాత్రకు సంబంధించి మరికొన్ని సీన్స్ యాడ్ చేసి ఉంటే కథనానికి మరింత వాల్యూ వచ్చేది.
సాంకేతిక విభాగం :
దర్శకుడు శ్రీరామ్ ఎరగం ఈ ఫ్రాంచైజీకి ఉన్న క్రేజ్ను దృష్టిలో పెట్టుకుని రచయితలతో కలిసి కొన్ని సాగతీత సమస్యలు ఉన్నప్పటికీ ప్రేక్షకులకు ఒక ఎంజాయ్ చేయదగ్గ సీజన్ను అందించడంలో విజయం సాధించాడు. ముఖ్యంగా ప్రధాన పాత్రల మధ్య వచ్చే సంభాషణల పరంగా రైటింగ్ చాలా బాగా వర్కవుట్ అయింది. అలాగే గత సీజన్లకు తగ్గట్లుగానే ప్రొడక్షన్ వాల్యూస్ నీట్గా ఉండటంతో పాటు ఎస్.వి.విశ్వేశ్వర్ సినిమాటోగ్రఫీ కథకు చక్కగా సరిపోయింది. శ్రవణ్ కటికనేని ఎడిటింగ్ పర్వాలేదనిపించినా మధ్యలో కొన్ని సీన్లను ట్రిమ్ చేసి ఉంటే బాగుండేదనిపిస్తుంది. అజయ్ అరసాడ అందించిన సంగీతం అటు కామెడీ సీన్స్తో పాటు ఇటు ఎమోషనల్ మూమెంట్స్ను కూడా ఎలివేట్ చేసింది.
తీర్పు :
ఓవరాల్గా చూస్తే.. ‘సేవ్ ది టైగర్స్ సీజన్ 3’ ఈ సిరీస్ యొక్క విన్నింగ్ ఫార్ములాను ముందుకు తీసుకెళ్లడంలో విజయం సాధించింది. ప్రియదర్శి, అభినవ్ గోమఠం, కృష్ణ చైతన్య మరోసారి తమ పర్ఫార్మెన్స్లతో ఆకట్టుకున్నారు. ఈ సిరీస్కు ఫాంటసీ టచ్ కొత్తగా ఉండటంతో పాటు చాలా సీన్స్లో ఫన్ జనరేట్ చేశాయి. అయితే, కొన్ని పోర్షన్స్ మాత్రం సాగదీతగా ఉండటం, బూతులు ఎక్కువగా వాడటం కొంతమేర నెగిటివ్ ఇంపాక్ట్ చూపెట్టాయి. కృష్ణ చైతన్యకు సంబంధించి కొన్ని కామెడీ సీన్స్ కూడా అందరినీ మెప్పించవు. గత రెండు సీజన్లను ఎంజాయ్ చేసిన ప్రేక్షకులు ఈ వీకెండ్ ‘సేవ్ ది టైగర్స్ సీజన్ 3’ని ట్రై చేయవచ్చు.
123telugu.com Score: 3/5
Reviewed through 123telugu Group
Click on Right here For English Overview
The put up ఓటీటీ సమీక్ష : సేవ్ ది టైగర్స్ సీజన్ 3 – జియో హాట్స్టార్లో తెలుగు సిరీస్ first seemed on Newest Telugu Film Information, Critiques, OTT, OTT Critiques, Rankings.