ఇటీవల విడుదలైన యష్ ‘టాక్సిక్’ టీజర్ సినీ ప్రియుల్లో ఒక సరికొత్త చర్చకు తెరలేపింది. అందులోని బోల్డ్ విజువల్స్, ఘాటైన డైలాగ్స్ ప్రేక్షకులను ఎంతగానో ఆకట్టుకున్నాయి. అయితే, ఈ టీజర్ చూసిన తర్వాత అందరిలోనూ ఒకే ప్రశ్న మొదలైంది -‘టాక్సిక్’ సినిమానే ఈ రేంజ్లో బోల్డ్గా ఉంటే, సందీప్ రెడ్డి వంగా ప్రభాస్ ‘స్పిరిట్’ సినిమాను ఇంకెంత తీవ్రంగా చూపిస్తాడు? అర్జున్ రెడ్డి నుంచి యానిమల్ వరకు సరిహద్దులను దాటుతూ, వివాదాలకు కేరాఫ్ అడ్రస్గా నిలిచిన సందీప్ వంగా, మెయిన్స్ట్రీమ్ సినిమాలో ఇలాంటి బోల్డ్ మరియు ఇంటెన్స్ కంటెంట్ను ప్రెజెంట్ చేయడంలో ఓజీ అనిపించుకున్నారు. దాంతో ఇప్పుడు ‘స్పిరిట్’ పై అంచనాలు అమాంతం పెరిగిపోయాయి.
ఈ సినిమాలో ప్రభాస్ సరసన త్రిప్తి డిమ్రి నటిస్తుండటం ఈ అంచనాలకు మరింత ఆజ్యం పోస్తోంది. ‘యానిమల్’ సినిమాతో నేషనల్ క్రష్గా మారిన త్రిప్తి, ఇటీవలే విక్టోరియాస్ సీక్రెట్ ఇండియా బ్రాండ్ అంబాసిడర్గా కూడా ఎంపికై తన గ్లామర్ ఇమేజ్ను మరింత పెంచుకుంది. తాజాగా ఆమె ‘స్పిరిట్’ గురించి మాట్లాడుతూ, ఇది చాలా ప్రత్యేకమైన సినిమా అని, ప్రేక్షకులు ఖచ్చితంగా ఎంజాయ్ చేస్తారని వ్యాఖ్యానించడం విశేషం. ఇప్పటికే విడుదలైన ఫస్ట్ లుక్ పోస్టర్లో ప్రభాస్ పక్కన త్రిప్తి చాలా స్టైలిష్, హాట్ అవతారంలో కనిపించడంతో వీరిద్దరి మధ్య కెమిస్ట్రీ ఏ రేంజ్లో ఉండబోతుందోనని అభిమానులు ఆసక్తిగా ఎదురుచూస్తున్నారు.
అయితే ఇక్కడ అసలు ప్రశ్న ఏమిటంటే, సందీప్ వంగా ఈ బోల్డ్నెస్ను కేవలం గ్లామర్ కోసమే వాడుతాడా, లేదా తన పాత సినిమాలాగే సమాజంలో పెద్ద చర్చకు దారితీసేలా డిజైన్ చేస్తాడా? ‘టాక్సిక్’ టీజర్లో మహిళలను పవర్ఫుల్, డేంజరస్ లుక్లో చూపించగా, సందీప్ వంగా మాత్రం కేవలం గ్లామర్తోనే ఆగిపోకుండా ప్రేక్షకులను షాక్కు గురిచేసే, సోషల్ మీడియాను ఊపేసే సీన్స్ను రాసుకుంటాడని ఆడియన్స్ నమ్ముతున్నారు. త్రిప్తి పాత్ర ఎలా ఉండబోతుందో ఇంకా క్లారిటీ లేనప్పటికీ, ‘టాక్సిక్’ ఇచ్చిన కిక్తో సందీప్ వంగా ‘స్పిరిట్’ కోసం ఏ రేంజ్ కంటెంట్ సిద్ధం చేశాడోనని నెట్టింట విపరీతమైన అంచనాలు నడుస్తున్నాయి.
The put up టాక్సిక్ ఎఫెక్ట్.. స్పిరిట్ నెక్స్ట్ లెవెల్ లో ఉండాల్సిందే..! first gave the impression on Newest Telugu Film Information, Critiques, OTT, OTT Critiques, Rankings.