అక్కినేని అఖిల్ హీరోగా నటించిన ‘లెనిన్’ చిత్రం వచ్చే వారం ప్రేక్షకుల ముందుకు రానుంది. ఈ నేపథ్యంలో చిత్ర ప్రమోషన్లలో పాల్గొంటున్న అఖిల్.. ‘ఏజెంట్’ సినిమా తర్వాత నెక్స్ట్ చిత్రం కోసం ఇంత లాంగ్ గ్యాప్ తీసుకోవడానికి గల అసలు కారణాన్ని వెల్లడించాడు. ఈ ఆలస్యం వెనుక ఉన్న ఒక భయంకరమైన ప్రమాదం గురించి ఆయన షేర్ చేసిన విషయాలు ఇప్పుడు అభిమానులను తీవ్ర దిగ్భ్రాంతికి గురిచేస్తున్నాయి.
ఈ గ్యాప్పై అఖిల్ స్పందిస్తూ.. “ఇది చాలా సుదీర్ఘమైన విరామం అని నాకు తెలుసు. ఇందులో సగం నా తప్పు ఉంటే, మిగిలిన సగం నా చేతుల్లో లేదు. ‘ఏజెంట్’ విడుదలైన నాలుగు నెలల తర్వాత నేను ఒక ప్రమాదానికి గురయ్యాను. బాత్రూమ్లో తడి నేలపై జారిపడటంతో అక్కడ ఉన్న గాజు ముక్క నా ఎడమ చేతికి బలంగా గుచ్చుకుంది. అది నా చేతిలోని నరాలను కట్ చేసింది. ఇది నన్ను మానసికంగా, శారీరకంగా తీవ్రంగా కుదిపేసిన ఒక ఊహించని ప్రమాదం” అని వివరించాడు.
ఈ గాయం కారణంగా తాను రెండు సార్లు శస్త్రచికిత్సలు చేయించుకోవాల్సి వచ్చిందని అఖిల్ తెలిపాడు. దాదాపు ఏడు నుండి ఎనిమిది నెలల పాటు కనీసం బరువులు కూడా ఎత్తలేని పరిస్థితి ఉందని, పూర్తిగా కోలుకుని, తిరిగి జిమ్కి వెళ్లి శారీరక శ్రమను ప్రారంభించడానికి మొత్తంగా 16 నెలల సమయం పట్టిందని పేర్కొన్నాడు. అఖిల్ పడిన ఈ కష్టాల గురించి తెలియక, సినిమా ఆలస్యం అవుతుండటంతో ఇప్పటివరకు ఆయన్ని విమర్శించిన అభిమానులు.. ఈ నిజం తెలిసి ప్రస్తుతం సోషల్ మీడియా వేదికగా ఆయనపై సానుభూతి కురిపిస్తున్నారు.
The submit అఖిల్ లాంగ్ గ్యాప్.. అసలు కారణం ఇదే..! first gave the impression on Newest Telugu Film Information, Critiques, OTT, OTT Critiques, Rankings.