ఐకాన్ స్టార్ అల్లు అర్జున్ పుట్టినరోజు సందర్భంగా అట్లీ దర్శకత్వంలో రాబోతున్న సినిమా AA22 నుండి అదిరిపోయే గ్లింప్స్ వస్తుందని ఆశించిన అభిమానులకు నిరాశే ఎదురైంది. తాజా సమాచారం ప్రకారం, ఈ ఏప్రిల్ 8న కేవలం టైటిల్ అనౌన్స్మెంట్ పోస్టర్ను మాత్రమే విడుదల చేయాలని చిత్ర బృందం నిర్ణయించుకుంది. గ్రాఫిక్స్ పనులు అనుకున్న స్థాయిలో పూర్తికాకపోవడమే ఇందుకు ప్రధాన కారణమని తెలుస్తోంది.
ఇదొక భారీ బడ్జెట్ సైన్స్ ఫిక్షన్ చిత్రం కావడంతో విజువల్ ఎఫెక్ట్స్ విషయంలో అట్లీ రాజీ పడకూడదని భావిస్తున్నారు. హడావిడిగా క్వాలిటీ లేని వీడియోను రిలీజ్ చేసి నెగిటివ్ బజ్ తెచ్చుకోవడం కంటే, పర్ఫెక్ట్ అవుట్పుట్ వచ్చే వరకు వేచి చూడడమే మేలని మేకర్స్ భావించారు. మొదటి ఇంప్రెషన్ ఉత్తమంగా ఉండాలనే ఉద్దేశంతోనే ఈ రిస్క్ తీసుకోకూడదని డిసైడ్ అయ్యారు.
ప్రస్తుతం పెద్ద సినిమాలకు సోషల్ మీడియాలో చిన్న పొరపాట్లు జరిగినా సినిమా ఫలితంపై ప్రభావం చూపుతున్నాయి. అందుకే బన్నీ కెరీర్లోనే భారీ ప్రాజెక్ట్గా తెరకెక్కుతున్న ఈ సినిమా విషయంలో అట్లీ చాలా జాగ్రత్తగా అడుగులు వేస్తున్నారు. వీడియో అప్డేట్ మిస్ అయినా, రాబోయే టైటిల్ పోస్టర్ సినిమాపై అంచనాలను ఏ స్థాయిలో పెంచుతుందో చూడాలి.
The submit అల్లు అర్జున్ కోసం రిస్క్ వద్దంటున్న అట్లీ.. అందుకే ఇలా..! first gave the impression on Newest Telugu Film Information, Critiques, OTT, OTT Critiques, Scores.