ఐకాన్ స్టార్ అల్లు అర్జున్ మరియు బ్లాక్ బస్టర్ దర్శకుడు అట్లీ కాంబినేషన్లో రాబోతున్న భారీ చిత్రం ‘రాకా’ (Raaka) ప్రస్తుతం సినీ వర్గాల్లో హాట్ టాపిక్గా మారింది. దాదాపు రూ.800-900 కోట్ల భారీ బడ్జెట్తో తెరకెక్కుతున్న ఈ సినిమా ఫస్ట్ లుక్ పోస్టర్ను బన్నీ 44వ పుట్టినరోజు సందర్భంగా విడుదల చేశారు. ఇందులో అల్లు అర్జున్ విలక్షణమైన ‘బీస్ట్’ అవతారంలో కనిపిస్తూ అభిమానులను ఆశ్చర్యపరిచాడు.
ఈ సినిమా కోసం నటీనటులు అందుకుంటున్న పారితోషికాలు ఇప్పుడు సోషల్ మీడియాలో చర్చనీయాంశమయ్యాయి. అల్లు అర్జున్ ఈ ప్రాజెక్ట్ కోసం రూ.175 కోట్ల రెమ్యునరేషన్తో పాటు లాభాల్లో 15 శాతం వాటాను తీసుకోనున్నాడట. దీనివల్ల ఆయన మొత్తం సంపాదన దాదాపు రూ.300 కోట్లు దాటే అవకాశం ఉంది. ఇక ‘జవాన్’ సినిమాతో భారీ విజయాన్ని అందుకున్న దర్శకుడు అట్లీ, ఈ సినిమా కోసం ఏకంగా రూ.100 కోట్లు డిమాండ్ చేసినట్లు సమాచారం.
బాలీవుడ్ స్టార్ హీరోయిన్ దీపికా పదుకొణె ఈ చిత్రంలో కీలక పాత్ర పోషిస్తోంది, దీని కోసం ఆమెకు రూ.20-25 కోట్లు చెల్లిస్తున్నట్లు తెలుస్తోంది. అలాగే నేషనల్ క్రష్ రష్మిక మందన్న ఈ సినిమాలో నెగటివ్ షేడ్స్ ఉన్న పాత్రలో కనిపించబోతుండటం విశేషం. ఈ పాత్ర కోసం ఆమెకు రూ.5-7 కోట్ల వరకు పారితోషికం అందుతుందని టాక్. భారీ తారాగణం మరియు విజువల్ వండర్గా రాబోతున్న ‘రాకా’ బాక్సాఫీస్ వద్ద సరికొత్త రికార్డులను సృష్టించడం ఖాయమనిపిస్తోంది.
The submit ‘రాకా’ కోసం కళ్లుచెదిరే రెమ్యూనరేషన్.. ఎవరికి ఎంతంటే..? first gave the impression on Newest Telugu Film Information, Opinions, OTT, OTT Opinions, Rankings.