కిరణ్ అబ్బవరంతో కోలీవుడ్ హీరోలు పోటీ యాదృచ్చికమే అయినా ప్రతిసారి హీరోకు ప్లస్సే అవుతోంది. ఎస్ఆర్ కళ్యాణ మండపం హిట్ తర్వాత సరైన సక్సెస్ లేక సతమతమౌతోన్న కిరణ్ అబ్బవరాన్ని మళ్లీ ట్రాక్ ఎక్కించిన ఫిల్మ్ ‘క’. 2024లో దీపావళికి రిలీజై హీరోలో జోష్ నింపింది. అదే రోజు అమరన్తో శివకార్తీకేయ్ భారీ స్కోర్ కొట్టేసినప్పటికీ.. కిరణ్ అబ్బవరం ఖాతాలోనూ ఓ హిట్ పడి మళ్లీ అతడిని బౌన్స్ బ్యాక్ చేసింది.
2025లో దిల్రూబా ఫ్లాపైంది. కానీ అప్పుడు ఏ తమిళ హీరోతో పోటీలేదు కిరణ్. ఆ తర్వాత మరోసారి పోటీ అనివార్యమైంది. క సెంటిమెంట్తో ‘కె ర్యాంప్’తో మరోసారి దీపావళికి బరిలోకి దిగగా ప్రదీప్ రంగనాథన్ తన బైలింగ్వల్ మూవీ డ్యూడ్తో ఓ రోజు ముందుగా పలకరించాడు. రెండు సినిమాలు హిట్ కొట్టినా డ్యూడ్ వంద కోట్లతో అప్పర్ హ్యాండ్ సాధించింది. నెక్ట్స్ చెన్నై లవ్ స్టోరీతో పలకరించబోతున్నాడు కిరణ్ అబ్బవరం. చెన్నై లవ్ స్టోరీతో తమిళ తంబీలను కూడా టార్గెట్ చేయబోతున్నాడు కిరణ్ అబ్బవరం. ఈ ఏడాది స్ట్రాంగ్ పోటీ మిస్ అవుతున్నానని ఫీలయ్యాడేమో ఏకంగా తమిళనాడు సీఎంతోనే పెట్టుకుంటున్నాడు. విజయ్ లాస్ట్ ఫిల్మ్ జన నాయగన్కు ఎట్టకేలకు సెన్సార్ బోర్డ్ లైన్ క్లియర్ చేసింది. ఏ సర్టిఫికేట్ జారీ చేయడంతో రిలీజ్ ప్లాన్ చేసుకుంటున్నారు మేకర్స్. జులై 23 లేదా 24కి రిలీజ్ చేయాలనుకుంటున్నారట. ఇదే నిజమేతే విజయ్తో కిరణ్ తలపడాల్సిందే. జన నాయగన్ వచ్చినా భగవంత్ కేసరి రీమేక్ కాబట్టి ఇక్కడ కిరణ్ అబ్బవరం సినిమా కలెక్షన్స్కు వచ్చిన ఢోకా ఏం లేదని క్రిటిక్స్ వాదన. చూద్దాం స్టార్ హీరోతో కిరణ్ అబ్బవరం పోటీ ఎలా ఉంటుందో.