ముఖ్య అంశాలు
కొద్దిరోజులుగా సోషల్ మీడియాలో తనపై, శేఖర్ మాస్టర్పై వస్తున్న తప్పుడు వార్తలను, వీడియోలను జానీ మాస్టర్ తీవ్రంగా ఖండించారు.
తమ మధ్య ఎలాంటి మనస్పర్థలు గానీ, గొడవలు గానీ లేవని, తామంతా ఒకే కుటుంబంలా ఎప్పుడూ తోడుంటామని ఆయన స్పష్టం చేశారు.
ఈ రూమర్స్ చూసిన మెగాస్టార్ చిరంజీవి స్వయంగా ఇద్దరినీ పిలిపించి మాట్లాడారని, అందరూ కలిసి సరదాగా ముచ్చటించి లంచ్ చేశారని తెలిపారు.
టాలీవుడ్ స్టార్ కొరియోగ్రాఫర్స్ జానీ మాస్టర్, శేఖర్ మాస్టర్ మధ్య విభేదాలు వచ్చాయంటూ గత రెండు రోజులుగా సోషల్ మీడియాలో కొన్ని తప్పుడు వార్తలు, వీడియోలు తెగ వైరల్ అవుతున్నాయి. మెగా ఫ్యాన్స్తో పాటు ఇండస్ట్రీ వర్గాల్లోనూ ఈ ప్రచారం కాస్త హాట్ టాపిక్గా మారింది. ఈ నేపథ్యంలోనే జానీ మాస్టర్ తనపై వస్తున్న రూమర్లకు గట్టి సమాధానం ఇస్తూ సోషల్ మీడియా వేదికగా అసలు నిజాన్ని పంచుకున్నారు. తమ మధ్య ఎలాంటి గొడవలు లేవని చెబుతూ వైరల్ వార్తలకు పూర్తిగా ఫుల్స్టాప్ పెట్టారు.
“గత కొన్ని రోజులుగా మా ఇద్దరి గురించి కొన్ని తప్పుడు రిపోర్ట్స్, వీడియోలు ప్రచారంలో ఉన్నాయని నా దృష్టికి వచ్చింది. ఈ విషయంపై నేను ఒక క్లారిటీ ఇవ్వాలనుకుంటున్నాను. నాకు, శేఖర్ మాస్టర్ అన్నకు మధ్య ఎలాంటి అపార్థాలు గానీ, గొడవలు గానీ లేవు. మేమంతా ఒకే కుటుంబం. ఎల్లప్పుడూ ఒకరికొకరం తోడుగా నిలబడతాం” అంటూ జానీ మాస్టర్ చాలా స్పష్టంగా పేర్కొన్నారు.
రంగంలోకి దిగిన మెగాస్టార్
ఇక ఈ ఊహాగానాలకు బ్రేక్ వేయడంలో మెగాస్టార్ చిరంజీవి కీలక పాత్ర పోషించారు. ఈ రూమర్స్ బయటకు వచ్చిన తర్వాత, చిరంజీవి స్వయంగా షూటింగ్ సెట్స్లోనే జానీ మాస్టర్, శేఖర్ మాస్టర్ ఇద్దరినీ పిలిపించి మాట్లాడారు. ముగ్గురూ కలిసి కాసేపు సరదాగా ముచ్చటించడమే కాకుండా, ఒకేచోట కూర్చుని లంచ్ కూడా చేశారు. దీనికి సంబంధించిన ఫోటోలను కూడా జానీ మాస్టర్ అభిమానులతో పంచుకున్నారు. చిరంజీవి గారి ప్రేమ, ఆయన ఇచ్చే గైడెన్స్, సపోర్ట్ తమకు ఎంతో విలువైనవని ఎమోషనల్ అయ్యారు.
ఇలాంటి ఆధారాలు లేని తప్పుడు ప్రచారాలను ఎవరూ నమ్మవద్దని, సోషల్ మీడియాలో వాటిని షేర్ చేయవద్దని ఆయన అభిమానులను కోరారు. ఎప్పుడూ ఇలాగే ఒకరిపై ఒకరం గౌరవంతో, పాజిటివిటీతో కలిసికట్టుగా ముందుకు సాగుదామంటూ తన పోస్ట్ను ముగించారు. జానీ మాస్టర్ ఇచ్చిన ఈ క్లారిటీతో మెగా అభిమానులతో పాటు సినీ లవర్స్ కూడా హ్యాపీగా ఫీలవుతున్నారు.
A couple of deceptive movies and false experiences had been doing the rounds over the past couple of days….
I need to make this transparent… there’s completely no false impression or struggle between me and Shekar Grasp Anna. We’re one circle of relatives and now we have at all times stood through each and every different.… pic.twitter.com/oCOsngCtwI
— Jani Grasp (@AlwaysJani) July 13, 2026
The submit శేఖర్ మాస్టర్తో గొడవలు.. క్లారిటీ ఇచ్చిన జానీ మాస్టర్! సెట్స్లో చిరంజీవి ఏం చేశారంటే? first gave the impression on Newest Telugu Film Information, Opinions, OTT, OTT Opinions, Rankings.